01-15-2012, 08:02 AM
| #1 (permalink) | |||||||||
| مشرفه المنتديات الأدبية 
 |  جـــور آلسنين !! .. ياسعود يامشكاي ويـن التدابيـر .. لاتشتكي جور السنيـن وشطفهـا .. جور السنين يحل ويمر ويصيـر .. راجع زمانك واكثر الناس شفهـا .. الناس لاحقها من الوقـت تاثييـر .. وتصبر على باس السنين وصلفها .. تميل ميلات المقادير وتغير .. وان وصفت بتعذب اللي وصفهـا .. فحرص على قرب الرجال المناعير .. اللـي دروب المرجلـه تحترفهـا .. تلقى بخوتهم معـزه وتقديـر .. ومجالسٍ مادنسـت مـن عرفهـا .. تاقف معك لو همك اكبر من النير .. وبعزمها حتى الصعاب اتعسفهـا .. ولا قدر الله ثم رمتـك المقاديـر .. الرجل منهـم وقفتـه لا وقفهـا .. تسوا لها فزعة صفوف وطوابيـر .. ماهوب لا شاف الصمايل حرفهـا .. يقلط على الشده كما سالم الزيـر .. وتامن به الديره وهو في طرفهـا .. لامازهمته قام يشتح كما الطيـر .. لاضف جنحانـه وكفـه عكفهـا .. واهل الردى مالك وراها مداويـر .. جنب مجالسهـا وجنـب ولفهـا .. لو اضحكتلك في السنين المياسير .. لابد في وقـت القسـا تكتشفهـا .. تفِرح بك الشمات لو ذنبك اصغير .. وتحتار في اصغر غلطةٍ تقترفهـا .. ويصير همك كبر هضبة شمنصير .. لكـن جنـب معرفتهـا وعفهـا .. لانذال رفقتها مهونـه وتقصيـر .. وتِكثر عنا نفسك وتكِثر حسفهـا .. فالرفقه اللي ماتدلك علـى خيـر .. آللّّـه يلعنهـا ويلعـن جدفـهـا .. ولا تـرادع جاهليـن المحاضيـر .. ولو تعترض لك كلمة اللاش طفها .. واحفظ السانك لو بلوك المعاثيـر .. الكلمه اللي دون ميـزان خفهـا .. يجوز ترمـي كلمـة دون تفكيـر .. واصبح سودان القلوب اتخطفهـا .. واصدر لياما عفت صدارت ابعير .. لاترتجيها 00 واطلب الله خلفهـا .. وترا النصيب يصيب مافيه تغيير .. لو تجبد امواج البحـر وتغرفهـا .. وعذر الرجال الطيبه خله ايصيـر .. ابيـك تعذرهـا وتقبـل آسفهـا .. العذر يقبل لاحصـل فيـه تبريـر .. امن الرجال اللي صريـحٍ هدفهـا .. في كل شي قد تجـوز المعاذيـر .. الا على اعراض الرجال وشرفهـا .. اقولها وانا الـذي سلوتـي غيـر .. البعد عن ضيق البيـوت وكنفهـا .. واسج في خبت كستـه النواويـر .. حيثه ظفر روحي وحيثه نصفهـا .. واسواق الاسهم والذهب والدنانير .. لو سلموها في يـديّ اصطرفهـا .. ينوبها ملحاٍ من ابـل المناصيـر .. ارعابها زهر الفيـاض وقطفهـا .. | |||||||||
 |
|
01-15-2012, 12:08 PM
| #2 (permalink) | ||||||||||
| المراقب العام للمنتدى 
|   | ||||||||||
| |
|
01-17-2012, 10:08 PM
| #3 (permalink) | |||||||||
| مشرفه المنتديات الأدبية
| آلتميز توآجدك..~ يالغلآ لأهنت .. لأهنت ..~ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] | |||||||||
| |
 |
| الكلمات الدلالية (Tags) |
| آلسنين, جـــور |
« الموضوع السابق
|
الموضوع التالي »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
|
|
الساعة الآن 09:13 PM.
جميع الحقوق محفوظة لمنتديات بلاك ويند ~~
